Waxaa magaalada garowe ku soo laabtey goor danbe oo galabnimadii shaley  ah wasiirka iyo ilaaladiisii,hase yeeshee ilaalada wasiirka u raacdey tukaraq ayaa waxaa ka mid ahaa sidii aad hore ku aragteen ilaallada  madaxtooyada puntland ciidan ka tirsan markii magaalda lagu soo noqdeyna qaadey talaabooyin xoogan oo ay ku canbaareynayaan falkaasi

Masuulka u Hadley ciidankaaasi ayaa sheegey in khiyaamo qaran iyo mid shaqsiyadeed ay la kulmeen sidaas darteedna aan laga aamusi Karin isagoo sii wata hadlkiisa waxa uu yidhi

 “….waxaan u dhaartey dalkeyga iyo dadkeyga in aan u daacad ahaado markaa miyaan la aqbali karaa in wasiirkeygu aniga oo sugaya amaankiisa in uu cadow iila galo waa yaab mise anaa askariyoo siyaasadaa sidaana …….”  sidaas waxaa hadalkiisii ku soo gunaanadey mid ka mida ilaalada madaxtooyada puntland oo ka warbixinayey kulankii tuka raq ee xirfadeysnaa

Marka laga yimaado intaasi waxaa si weyn sheekadani ay u saameysey masraxa siyaasada ee magaalada garoowe waxaa manta si deg deg ah isugu yimid mudanayaasha baarlamaanka puntland ee gobolada SSC kuwaasoo ka dalbadey Madaxweyne ku xigeenka puntland in uu ka jawaab bixiyo dhacdadan iyadoo ay goob jog ahaayeen badi wasiirada ka soo jeeda goboladaas  waxaa kale oo loo yeedhey wasiir ku xigeenka sida ay dunidaonline ka soo xigatey ilo xog ogaal oo lagu kalsoonaan karo

Kulankan oo mudo kooban qaatey ayaa si kulul ay mudanayaashu u weydiiyeen madaxweyne ku xigeenka puntland Mudane cabdi samad cali shire in uu ka qanciyo mudanaasha hawshan waxa uu ka og yahey iyo sida ay la tahey waxaanu  ku jawaabey madaxweyne ku xigeenku.

“…….hadii aydaan laheyn cabdi qawdhan isku qolaad tihiin anigu waxba kama ogi wakaa I maqlayeen …..”intasi ka dibna waxa uu madxaweyne ku xigeenku ka jawaabey su,aalo kae oo la xidhiidh shirka hol hol iyo maqifka dawladiisu in ay taageersantey go,aamka isimada,waxaase sheekadu salka ka dhacdey markii wasiir ku xigeenku qirtey kulankaasi in uu jiro laakiin ay dan u aheyd puntland iyo in aan tukaraq la qabsan

Intaasi ka din waxaa soo gababa gaboobey kulankaasi ka dib shir muhiina oo madaxweyne ku xigeenku uu la lahaa qolyo cadaana oo xiligiisii uu soo galey waxaanu shirkaasu ku dhamaadey kulan la kala cararey ,hase yeeshee mudanyaasha baarlamaanka ee goobtaasi joogey ayaa sheegey in ay arintan u bandhigi doonaan baarlamaanka puntland si loo cadeeye waxa meesha ku jira

La soco qeybta sedexaad oo aan idiinku heyno warar xiise leh iyo halka ay sal dhigato xaajadan ,waxaase naga xasuusina in aan dhawaan idiin soo badhig i doono wareysi maqal ah oo ku saabsan arintan oo ay ka qeyb qaadan doonaan masuuliyiin magac weyn kuleh goloyaasha dawlada iyo goob joogayaal wax ka og hawshan balse su,aasha caawa taala ayaa ah madaxweyne ku xigeenku ahna ku simaha madaxweynuhu muxuu noqon  doonaa go,aankiisa ugu danbeeyaa  hadii hortiisa qiraalkaasu ka dhacey muxuuse ku qancin doonaa baarlamaanka puntland hadii arinkaa la hor dhigo  ………………….?